Tuesday, June 2, 2015

ඇය

ඇය බිළිඳියක්
කිරි සිනා නගන 
ඇය ළදැරියක්
වැටි වැටී පියවර නගන
ඇය තරුණියක්
කෙළිදෙලෙන් කල් ගෙවන
ඇය කතක්
ජීවිතේ සොයායන
ඇය දියණියක්
ජීවිතේ සතුටදෙන
ඇය මිතුරියක්
ජීවිතේ සවියදෙන
ඇය මවක්
ජීවිතේ ලබාදෙන

සිතුනේ කොහොමද කෙළෙසන්න ඇය 
නුඹට අකමැති කිවූ නිසාවෙන
සිතුනේ කොහොමද කෙළෙසන්න ඇය
ඇඳ පැළඳ උන් විලාසෙට
සිතුනේ කොහොමද කෙළෙසන්න ඇය
නුඹේ පිරිමකම පෙන්නන්න
සිතුනේ කොහොමද කෙළෙසන්න ඇය
ඇය ගැහැනියක් වූ බැවින

යම් දිනෙක නුඹ 
පියෙකු වුවොත් දියණියකට
දැනේවිද නුඹට 
ඇගේ ජීවිතේ වටිනකම....